អ្នកស្រី ទេវី
បានចូលរួមជាសមាជិកអំណាន BBU ជំនាន់ទី៣
ដោយថ្មើរនេះអ្នកស្រី​ បានបញ្ចប់វគ្គដោយជោគជ័យ និងអស្ចារ្យ មិនធ្លាប់មានពីមុនផងដែរ។
តើអ្វីជារឿងរ៉ាវ ដ៏អស្ចារ្យមួយនេះ? យើងចង់រម្លឹករឿងរ៉ាវ ក្រោយខ្នងរបស់អ្នកស្រីបន្តិច។
កាលដើមឡើយ អ្នកស្រីពុំដែលមានចំណងផ្នែកអាន និងអានដោយគ្មានគោលដៅ
ហើយតែពិបាកគឺដឹងអំពីអត្ថប្រយោជន៍នៃអំណានតែម្ដង។ កម្មវិធី ក៏ផ្សព្វផ្សាយ
ហើយអ្នកស្រីក៏មានចិត្តចាប់អារម្មណ៍។ នៅគ្រានោះ អ្នកស្រីកំពុងតែបម្រើការងារ
នៅក្រុមហ៊ុនភ្នាក់ងារទេសចរណ៍មួយកន្លែងជាភា្នក់ងារផ្នែកលក់ (Online travel agent)។ ដោយទំនេរពីការងារផង មានចិត្តចង់ពង្រឹងទម្លាប់អំណានរបស់អ្នកស្រី។
អ្នកស្រីក៏ជាប់រហូតក្លាយជាសមាជិកផ្លូវការបស់កម្មវិធីយើង។ រឿងដែលគួរអោយសរសេរនោះគឺថា
បងស្រី កំពុងតែមានគភ៌រយៈពេល ២ ខែក្នុងផ្ទៃ។

អ្នករាល់គ្នាដែលជាសមាជិក
មានត្រឹមតែម្នាក់ ដើម្បីឆ្លងអោយផុតពីរយៈកាល ១២ សប្ដាហ៍របស់កម្មវិធី
ក៏ប៉ុន្តែបងស្រីវិញ គឺមានគ្នាដល់ទៅពីនាក់
ដោយនោះគឺជាកូនប្រុសរបស់គាត់នៅក្នុងផ្ទៃផងដែរ។ បើបងស្រីអាន នោះបានសេចក្ដីថា
កូនក្នុងផ្ទៃក៏អានដែរ បើអ្នកស្រី ស្ដាប់ នោះកូនរបស់គាត់ ក៏ស្ដាប់
បើបងស្រីឡើងនិយាយជាសាធារណៈនោះកូនស្រី របស់បងស្រីក៏ឡើងដែរ។
ជារួមកម្មវិធីតម្រូវអ្វីបងស្រីបានធ្វើ ហើយមានម្នាក់ទៀតក៏ធ្វើដែរ។ ម្នាក់នោះ
គឺជាកូនប្រុសរបស់បងស្រីដែលនៅក្នុងផ្ទៃ។ 

យោងតាមការសម្ភាសជាមួយបងស្រីបងស្រីមានប្រសាសន៍ថា
“គាត់ពិតជាទទួលបានយ៉ាងច្រើនពីការចូលរួមជាសមាជិកអំណានរយៈពេល១២ សប្ដាហ៍នេះ”។
កម្មវិធីនេះ ពិតជាអាចជួយបងស្រីពិតមែន។ ពីមនុស្សដែលគ្មានទម្លាប់អាន
ទៅជាអ្នកដែលទម្លាប់អាន។ ពីមនុស្សដែលមានការខឹងសម្បារច្រើន ប្រតិកម្មច្រើន
ទៅជាមនុស្សស្រីមានការអត់ធ្មត់ និងស្ដាប់ច្រើន”។ អ្នកស្រីបន្តថា “កម្មវិធីនេះ
មិនអស់លុយ តែយើងជាអ្នកប្រឹងប្រែង”។

មកទល់ពេលនេះ
កម្មវិធីបានបញ្ចប់ និងបិទវគ្គ អមជាមួយការសម្រាលកូន (ឆ្លងទន្លេ) របស់អ្នកស្រី
ក៏ជោគជ័យដែរ។ បងស្រីមានសារចង់ផ្ដាំផ្ញើទៅកាន់ស្រ្តីគ្រប់រូបថា “បើកាលណា
យើងជាអ្នកអាននោះកូនក៏របស់យើង ក៏ស្រឡាញ់ ឬការអប់រំដែរ។ អប់រំស្រ្តីម្នាក់
មានន័យថា​អប់រំមួយគ្រួសារ។ ស្រ្តីគ្រប់រូប គួរយល់ថា ខ្លួនមានឪកាស
មានសិទ្ធក្នុងការចូលរួមគ្រប់រូបភាព មិនថាតែយើងកំពុងតែមានគ៌តក៏ដោយ
ឬមានបញ្ហាណាមួយដែលយើងគិតថា​មិនអាច ក៏ប៉ុន្តែអោយតែមានឆន្ទៈនោះប្រាកដសម្រេចបាន
ជាក់ស្ដែងដូចជាការចូលរួមវគ្គអំណាននេះផងដែរ”។

រឿងរ៉ាវមួយនេះ
វាពិតជាឆ្លុះបញ្ចាំងចំពោះបងៗ មិត្តនារី ទាំងឡាយថា “ អ្វីគ្រប់យ៉ាង
គឺសុទ្ធតែអាចកើតមានឡើង ដរាបណាយើងទៅរកវា​ដោយភាពអត់ធ្មត់ និងតាំងចិត្ត”។ ការអាន
វាពិតជាជំរុញយើងខ្លាំងណាស់ ចំពោះការសម្រេចចិត្តក្នុងជីវិតផ្ទាល់ខ្លួន គ្រួសារ
និងសង្គមជាតិ។

មិនសរសើរមិនបាន! ឆ្លងទន្លេក្រោយចប់វគ្គបណ្ដុះបណ្ដាលអំណាន១២សប្ដាហ៍.....

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់