ជោកជ័យលើអំណាន នឹងធ្វើឱ្យជីវិតស្រស់ប្រសើរ&nbsp;

សូមជម្រាបសួរពីខ្ញុំ គឹមស៊ាន

១. មួយរយៈកាលកន្លងមកនេះ នាងខ្ញុំគឺសុខសប្បាយជាធម្មតាទេ។ នាងខ្ញុំសង្ឃឹមថាបងប្អូនទាំងអស់គ្នាសុខសប្បាយផងដែរ។

២. បន្ទាប់ពីបានបញ្ចប់សកម្មភាពអំណានរយៈពេល១២សប្ដាហ៍កន្លងទៅក៏ពិតមែន ប៉ុន្តែការអានរបស់ខ្ញុំនៅតែបន្តជារៀងរហូតទៅ។ ខ្ញុំក៏បានសង្កេតឃើញការផ្លាស់ប្ដូររបស់ខ្ញុំមួយចំនួនផងដែរ ហើយការផ្លាស់ប្ដូរទាំងអស់នោះរួមមានទាំងការនិយាយស្ដី ការប្រាស័្រយទាក់ទង ផ្នត់គំនិត និងអាកប្បកិរិយាអវិជ្ជមានមួយចំនួនមកជាភាពវិជ្ជមាន ស្វែងយល់ពីបទពិសោធន៍អ្នកនៅជុំវិញខ្លួនបានកាន់តែច្រើនជាងមុន ចេះធ្វើកិច្ចការងារជាក្រុមជាដើម។ អ្វីដែលសំខាន់គឺកម្មវិធីនេះបានកែប្រែខ្លួនរបស់ខ្ញុំពីអ្នកដែលមិនសូវជាចូលចិត្តអាន អានយកតែចប់ គ្មានគោលដៅច្បាស់លាស់ ឱ្យក្លាយទៅជាអ្នកអានម្នាក់ដែលប្រកបទៅដោយការគិតស៊ីជម្រៅ។

៣. ដូចដែលខ្ញុំបានរៀបរាប់មកខាងលើហើយថា អំណានបានជួយផ្លាស់ប្ដូរជីវិតរបស់ខ្ញុំមួយចំនួនដែរ។ ខ្ញុំក៏បានទាញយកទ្រឹស្ដីល្អៗដែលមានក្នុងសៀវភៅទាំងនោះមកអនុវត្តនៅក្នុងសកម្មភាពជាក់ស្ដែងរបស់ខ្ញុំ ហើយឃើញថាទ្រឹស្ដីទាំងនោះ គឺពិតជាបានធ្វើឱ្យជីវិតរបស់ខ្ញុំមានការរីកចម្រើនជាងមុនមែន។

៤. ខ្ញុំក៏សូមសំណូមពរ និងលើកទឹកចិត្តឱ្យបងប្អូនជនរួមជាតិទាំងអស់គ្នាយកពេលទំនេរងាកមករកការអានសៀវភៅ ជាជាងទៅធ្វើអ្វីដែលគ្មានប្រយោជន៍ទាល់តែសោះសម្រាប់ខ្លួនឯង ដោយចាប់ផ្ដើមដុសខាត់សមត្ថភាពរបស់ខ្លួនជាមួយនឹងអំណាន។ ជាចុងក្រោយសូមជូនពរឱ្យបងប្អូនចួបតែសំណាងល្អ សុខភាពល្អជាពិសេសចៀសផុតពីជម្ងឺដ៏កាចសាហាវCovid 19 គ្រប់ៗគ្នា និងចូលរួមអនុវត្តន៍តាមគោលការណ៍របស់រាជរដ្ឋាភិបាល ៣កុំ ៣ការពារផង ដើម្បីកម្ពុជាឆាប់ឆ្លងផុតពីវិបត្តិដ៏ធ្ងន់ធ្ងរមួយនេះ។

*គំនិតកើតចេញពីអំណាន

កញ្ញា វុត គឹមស៊ាន

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់