គម្រោងពង្រឹងក្រុមការងារបង្គោលក្នុងបរិបទកូវីដ-១៩ គឺជាដំណើរការនៃការបណ្ដុះបណ្ដាលក្រុមការងារអំណានយុវជនទាំងអស់
ដើម្បីទទួលបានចំណេះដឹងពាក់ព័ន្ធនឹងការដឹកនាំ ការបន្តវេនក្នុងវិស័យអំណាននាពេលអនាគតរបស់អំណានយុវជន។
គម្រោងនេះ នឹងបណ្ដុះបណ្ដាលក្រុមការងារគោលចំនួន១០រូប របស់អំណានយុវជន ឱ្យច្បាស់ការណ៍លើបច្ចេកទេសនៃការដឹកនាំ
បច្ចេកទេសក្នុងការគ្រប់គ្រងចាត់ចែងក្រុមការងារ ឬការងារទៅតាមចំណាត់ថ្នាក់
ឬក៏ទៅតាមជំនាញរៀងៗខ្លួន និងអាចបណ្ដុះបណ្ដាល ព្រមទាំងចែករំលែកបន្តទៅកាន់ក្រុមការងារដទៃទៀតនាពេលអនាគត។


វត្ថុបំណងនៃគម្រោង Projects Purpose៖ 

ទី១ ពង្រឹងសមត្ថភាពក្រុមការងារបង្គោលដើម្បីបន្តវេន

ទី២ បង្កើតទំនាក់ទំនង
និងចងក្រងជាបណ្ដាញយុវជនក្នុងការអភិវឌ្ឍវិស័យអំណាននៅកម្ពុជា

ខ-អំពីវិធីសាស្រ្តបណ្ដុះបណ្ដាល (Methodology) 

ក្រុមការងារបណ្ដុះបណ្ដាលរបស់អំណានយុវជន
នឹងប្រើប្រាស់វិធីសាស្រ្តបណ្ដុះបណ្ដាលមួយចំនួនដូចខាងក្រោម៖ 

1.&nbsp;&nbsp;&nbsp;&nbsp;
គ្រូមជ្ឈមណ្ឌល មានន័យថារាល់មេរៀនដែលបង្រៀនចេញទៅ
នឹងមានលក្ខណៈជាការពន្យល់ បទបង្ហាញរបស់អ្នកបណ្ដុះបណ្ដាល ដែលផ្អែកលើគោលបំណងនៃមេរៀនត្រឹមត្រូវ

2.&nbsp;&nbsp;&nbsp;&nbsp;
សិស្សមជ្ឈមណ្ឌល មានន័យថា គ្រូបណ្ដុះបណ្ដាលនឹងប្រើប្រាស់វិធីសាស្រ្តត្រិះរិះពិចារណា
ដោយការលើកយកករណីសិក្សាណាមួយដើម្បីឱ្យសិស្សធ្វើការវែកញែកពិភាក្សាគ្នាអំពីករណីសិក្សាមួយនោះ។
រាល់មេរៀននឹងមានការឆ្លុះបញ្ចាំងទៅកាន់សិក្ខាកាមដោយមានជាកិច្ចការបុគ្គល
និងបទបង្ហាញរបស់សិក្ខាកាមម្នាក់ៗក្រោយពេលកិច្ចការរួចរាល់របស់សិក្ខាកាមនីមួយៗ។

3.&nbsp;&nbsp;&nbsp;&nbsp;
ការចងក្រងជាក្រុម
និងការអនុវត្តជាក់ស្ដែងចំពោះការដឹកនាំអំឡុងពេលសិក្សាចប់។ អំណានយុវជន
នឹងរៀបចំជាគម្រោងខ្លីៗណាមួយ
ដើម្បីពង្រឹងសមត្ថភាពជាក់ស្ដែងរបស់អ្នកចូលរួមដើម្បីសិក្សានិងវាយតម្លៃក្រោយវគ្គបណ្ដុះបណ្ដាល។

គ-មេរៀនស្នូលសម្រាប់បណ្ដុះបណ្ដាល (Core Lessons) 

១០ មេរៀននៃការបណ្ដុះបណ្ដាល
ក្រុមការងារបង្គោលនឹងផ្ដល់ចំណេះដឹងទៅកាន់អ្នកចូលរួមដូចជា៖ 

o&nbsp;&nbsp;&nbsp; យល់ដឹងកាន់តែច្បាស់អំពី ដំណើរការនៃការដឹកនាំ
អំណានយុវជន ការចាត់ចែងធនធាន និងការសម្រេចលទ្ធផល 

o&nbsp;&nbsp;&nbsp; មានចំណេះដឹងបច្ចេកទេសមូលដ្ឋានក្នុងការដឹកនាំ

o&nbsp;&nbsp;&nbsp; មានចំណេះដឹងផ្នែកដឹកនាំ និងគ្រប់គ្រងគម្រោងខ្លី
&nbsp;

o&nbsp;&nbsp;&nbsp; មានមូលដ្ឋានគ្រឹះនៃការទំនាក់ទំនង
និងការចេះធ្វើការងារជាក្រុម

o&nbsp;&nbsp;&nbsp; យល់ដឹងអំពីមូលដ្ឋានគ្រឹះនៃការគ្រប់គ្រងប្រព័ន្ធផ្សព្វផ្សាយបានត្រឹមត្រូវ

ង-សង្ខេបអំពីវគ្គបណ្ដុះបណ្ដាល
និងការបង្រៀន (Contents &amp;
Course Outline) 

ការបណ្ដុះបណ្ដាលនេះត្រូវបានចែកចេញជាពីរផ្នែកសំខាន់ៗគឺ
ការអភិវឌ្ឍខ្លួន ដែលមានចំនួន ៤ប្រធានបទ ស្មើនឹង &nbsp;&nbsp;៥ - ៨ម៉ោង
&nbsp;និងផ្នែកទី២មានចំនួន៧ប្រធានបទស្មើនឹង១០ - ១៥ម៉ោង
ហើយចំនួនប្រធានបទសរុបមានចំនួន១១ ស្មើនឹង ១៥ - ៩៥ ម៉ោង។
ការបណ្ដុះបណ្ដាលនឹងប្រើប្រាស់មធ្យោបាយបង្រៀនពីចម្ងាយរយៈកម្មវិធី Zoom។

អ្នកទទួលផល (Beneficiaries) 

&nbsp;លក្ខខណ្ឌនៃការជ្រើសរើស (Criteria) &nbsp;

§&nbsp;&nbsp;
ជាអតីតសមាជិក
ឬអតីតក្រុមការងារ មានចំនួន១០នាក់&nbsp; 

§&nbsp;&nbsp;
ជាក្រុមការងារបច្ចុប្បន្ន
(អាទិភាព) &nbsp;

§&nbsp;&nbsp;
មានឆន្ទៈក្នុងការដឹកនាំ
និងសិក្សាឈ្វេងយល់អំពីការជំរុញវប្បធម៌អំណាននៅកម្ពុជា 

§&nbsp;&nbsp;
មានពេលវេលាគ្រប់គ្រាន់សម្រាប់ចូលរួម


អត្ថប្រយោជន៍របស់អ្នកចូលរួម (Benefits) &nbsp;

§&nbsp;&nbsp;
អ្នកចូលរួមនឹងទទួលបានប្រាក់ឧបត្ថម្ភ
៤០០០រៀល សម្រាប់មួយពេល &nbsp;&nbsp;

§&nbsp;&nbsp;
យល់ដឹងកាន់តែច្បាស់អំពី
ដំណើរការនៃការដឹកនាំ អំណានយុវជន ការចាត់ចែងធនធាន និងការសម្រេចលទ្ធផល 

§&nbsp;&nbsp;
មានចំណេះដឹងផ្នែកដឹកនាំ
និងគ្រប់គ្រងគម្រោងខ្លី&nbsp; 

§&nbsp;&nbsp;
យល់កាន់តែច្បាស់អំពីភាពជាអ្នកដឹកនាំ
និងវិធីសាស្រ្តនៃការធ្វើការងារជាក្រុម 

§&nbsp;&nbsp;
មានមូលដ្ឋានគ្រឹះនៃការទំនាក់ទំនង
និងការចេះធ្វើការងារជាក្រុម

§&nbsp;&nbsp;
យល់ដឹងអំពីមូលដ្ឋានគ្រឹះនៃការគ្រប់គ្រងប្រព័ន្ធផ្សព្វផ្សាយត្រឹមត្រូវ

§&nbsp;&nbsp;
មានឱកាសក្នុងការដឹកនាំគម្រោងរបស់ អំណានយុវជន

§&nbsp;&nbsp;
ពង្រឹងសមត្ថភាពខ្លួនឯងតាមរយៈការងារសង្គម


§&nbsp;&nbsp;
ទទួលបានវិញ្ញាបនបត្របញ្ជាក់អំពីភាពជោគជ័យនៃការចូលរួម


លក្ខណៈវិនិច្ឆ័យដែលបញ្ជាក់អំពីភាពជោគជ័យនៃវគ្គនេះ (Evaluations) &nbsp;

§&nbsp;&nbsp;
ការចូលរួមក្រុមយ៉ាងសកម្មភាព


§&nbsp;&nbsp;
មានវត្តមានគ្រប់ចំនួនដែលកម្មវិធីបានកំណត់

§&nbsp;&nbsp;
គោរពតាមពេលវេលារាល់ពេលដែលមានការដាក់កិច្ចការក្រុមនានា


§&nbsp;&nbsp;
អ្នកចូលរួមមាន
១០ពិន្ទុដូចៗគ្នាមុនពេលចូលរួម។ ប្រសិនជាអវត្តមាន ឬមានការអាក់ខានលើសពី៣ដង នៃ១០ដង
នោះចាត់ទុកថា អ្នកចូលរួមពុំអាចសម្រេចជោគជ័យលើវគ្គបណ្ដុះបណ្ដាលនេះឡើយ។ 

វិធីសាស្រ្តនៃការវាយតម្លៃ (Monitoring and Evaluations)

ក្រោយពីវគ្គបណ្ដុះបណ្ដាលក្រុមការងារអំណានយុវជន
នឹងបង្កើតក្រុមគណៈកម្មការមួយដើម្បីធ្វើការវាយតម្លៃតាមរយៈទម្រង់វាយតម្លៃ Google Form អំពីគុណភាពនៃការបង្រៀន។
រាល់ការវិភាគ
និងលទ្ធផលនៃការវាយតម្លៃអ្នកគ្រប់គ្រងគម្រោងនឹងធ្វើបទបង្ហាញទៅកាន់ក្រុមប្រឹក្សាភិបាលអំពីគុណភាព
និងលក្ខណៈដែលអាចប្រើបានសម្រាប់វិធីសាស្រ្តនៃការបណ្ដុះបណ្ដាលក្រុមការងារបង្គោលនេះ។ 

កម្មវិធីបង្វឹកក្រុមការងារបង្គោលអំណានយុវជន

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់