គោលដៅ៖ ការរៀបចំជាវេទិកាដើម្បីឱ្យះអ្នកនិពន្ធ ឬអ្នកសរសេរមានឱកាសបានណែនាំអំពីបុព្វហេតុស្នាដៃសៀវភៅដែលទើបនឹងចេញថ្មីទៅកាន់អ្នកអាន​​​​។ អ្នកអានក៏អាចមានឱកាសបានជជែកនិងសួរដេញដោលអំពីស្នាដៃថ្មីនោះផងដែរ។&nbsp;

តើអ្វីជាទិសដៅធំបំផុត?&nbsp;

ព្រឹត្តិការណ៍នេះ
មានគោលបំណងណែនាំសៀវភៅថ្មី ឬ អ្នកនិពន្ធថ្មីដល់សាធារណជន។ យើងធ្វើនេះ
ដើម្បីធ្វើបែបណា ដើម្បីឱ្យអ្នកអានបានជជែកសួរនាំអំពី បុព្វហេតុនៃការសរសេរ និពន្ធ
ឬក៏ការចងក្រងសៀវភៅមួយនោះឡើង។ អាចនិយាយដោយសង្ខេបថា “ដើម្បីឱ្យអ្នកនិពន្ធ
បានចែករំលែកអំពីស្នាដៃខ្លួន និងអ្នកអានអាចសាកសួរអំពីស្នាដៃមួយនោះ”។ កន្លងទៅ
ក្រុមការងារ បានជោគជ័យទៅលើព្រឹត្តិការណ៍២ធំៗគឺ ព្រឹត្តិការណ៍ សម្ពោធសៀវភៅដំណើរ
និងសៀវភៅស្ដេចនំដូណាត់។ ក្រុមការងារ ក៏មានគម្រោងរៀបចំជាវេទិកាបន្តបន្ទាប់ទៀតដែរ។

វិសាលភាពនៃគម្រោង&nbsp;

ចំពោះគម្រោងមួយនេះ អំណានយុជន ពុំបានកំណត់ពេលវេលាជាក់លាក់ណាមួយ ឬក៏មានផែនការជាក់លាក់ដូចជាគម្រោងដទៃដែរ ដោយយោងពផ្ដោតសំខាន់លើស្ថានភាពជាក់ស្ដែងរបស់អ្នកនិពន្ធ គ្រឹះស្ថានបោះពុម្ពផ្សាយនានានិងតាមតម្រូវការជាក់ស្ដែងនៃការសំណូមពរបស់ប្រិយមិត្តអ្នកអាន។

ចំនួនអ្នកចូលរួម&nbsp;

ការកំណត់អ្នកចូលរួមរបស់កម្មវិធីសម្ពាធសៀវភៅនេះអាចប្រព្រឹត្តិទៅបានពីចន្លោះ១៥០នាក់ទៅដល់ចំនួន៣០០នាក់ ឬអាចស្របតាមតម្រូវការជាក់ស្ដែងយោងតាមទីតាំង ក្រុមការងារ ថវិការ និងការស្នើសុំរបស់អ្នកនិពន្ធឬម្ចាស់ស្នាដៃ។&nbsp;

តើថ្ងៃក្រោយគម្រោងនេះនឹងអាចដំណើរទៅជាបែបណា?&nbsp;

អំណានយុវជន មានទស្សនវិស័យមួយថាការរៀបចំវេទិកាមួយដែលមានគុណភាពគឺស្ថិតលើគុណតម្លៃរួមមួយដែលក្រុមការងារចង់ចែករំលែកទៅកាន់មហាជន។ អំណានយុជន នឹងរៀបចំព្រឹត្តិការណ៍នេះដោយមានទាំងអ្នកចូលរួមដោយផ្ទាល់និងអាចផ្សាយបន្តផ្ទាល់តាមរយៈការគេហទំព័រផ្លូវការរបស់យើងដើម្បីអ្នកដែលពុំមានឱកាសឬមានតំបន់ឆ្ងាយអាចទទួលបានចំណេះដឹងនិងអ្វីដែលយើងផ្សាយទៅ។&nbsp;

តើអ្នកនិពន្ធណាខ្លះដែលធ្លាប់ចូលរួមកម្មវិធីនេះ?&nbsp;

ទី១ កញ្ញា សែត ហត្ថា ឬកូនចាបមាស។ ម្ចាស់ស្នាដៃសៀវភៅ វិញ្ញាជីវិត កាដូជីវិត ខ្យល់ដង្ហើម ដើរចេញពីអតីតកាល ដំណើរ និងផ្ដើមចេញពីក្ដីសុបិន។&nbsp;

ទី កញ្ញា ម៉ៅ ចាន់រស្មី ឬកូនទន្សាយ អ្នកសរសេរភាពយន្ត និងជាអ្នកនិពន្ធសៀវភៅ ទន្សាយជានរណា?។ កញ្ញាក៏ជាឈាមមួយដំណក់របស់ អ្នកនិពន្ធជើងចាស់មួយរូបគឺអ្នកគ្រូ ម៉ៅ សំណាង (អ្នកនិពន្ធទន្សាយ) ផងដែរ។&nbsp;

ទី៣ លោក ឡាំ លីម ជាម្ចាស់ស្នាដៃសៀវភៅ ប្រតិទិនទស្សនៈ២២២ថ្ងៃ និង៣៦៥ថ្ងៃ សៀវភៅអំណានជាអំណាច សៀវភៅ អំណាចកម្ម និងសៀវភៅ ដំណើរ។&nbsp;

កម្មវិធីមានការចូលរួមពីសំណាក់យុវនិពន្ធ និងអ្នកសរសេរជាច្រើនរូបទៀត តែដោយឡែកយើងសូមលើកយកតែប៉ុន្មានរូបខាងលើនោះសិន។&nbsp;

កម្មវិធីសម្ពោធសៀវភៅ

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់