កាលពីថ្ងៃទី១៩
ខែមីនា ឆ្នាំ២០២២ ថ្មីៗនេះ ក្រុមការងារអំណានBBU (សៀមរាប) បានរៀបចំវេទិកាបើកវគ្គសម្រាប់សមាជិកជំនាន់ទី៤
ដែលមានវត្តមានចូលរួមពីសំណាក់វាគ្មិនចំនួន៣រូប និងអ្នកចូលរួមចំនួនប្រមាណ ១០០នាក់
(គោលការណ៍ ៣ការពារ ៣កុំត្រូវបានអនុវត្ត)។ បន្ថែមលើសកម្មភាពនោះផងដែរ សៀវភៅ
អំណានជាអំណាច ចំនួន៣០ក្បាល ត្រូវបានទៅដល់ដៃអ្នកអាន។

ដ្បិតតែវិបត្តិជំងឺកូវីដ-១៩
វាយលុក ហើយវាយលុកទៀត អំណានBBU នៅតែមានសុច្ឆន្ទៈថា “កិច្ចការងារនេះនៅតែមានសារៈសំខាន់សម្រាប់ការបណ្ដុះបណ្ដាលយុវជន
ដើម្បីទទួលបានគុណភាពអំណាន១២សប្ដាហ៍”។ ឆ្លៀតពេលនៃការផ្អាកបណ្ដុះបណ្ដាលបណ្ដោះអាសន្ននេះ, អំណានBBU បានងាកមកផ្ដោតលើការបណ្ដុះបណ្ដាលក្រុមការងារវិញម្ដង
តាមរយៈការបង្កើតគម្រោងបណ្ដុះបណ្ដាលសមត្ថភាពអំណានអំឡុងកាលកូវីដ-១៩
ទៅកាន់ក្រុមការងារស្នូលរបស់យើងចំនួន១០រូប។ សូមអានបន្ថែមអំពីគម្រោង៖&nbsp;https://bit.ly/3DhxMc9

ជំហានថ្មីរបស់សមាជិកជំនាន់ទី៤
នៃ&nbsp;អំណានBBU គឺការត្រឡប់មកវិញជាមួយនឹងថាមពលថ្មី
គំនិតថ្មី និងមេរៀនថ្មីៗ។ ក្នុងនោះផងដែរ សមាជិកអំណានជំនាន់ទី៤នេះ
មើលទៅហាក់ដូចជាមានទំនុកចិត្តថ្មី ដ្បិតតែមិនទាន់មុជអោយជ្រៅទៅលើការអានពិតមែន
តែឆន្ទៈរបស់ពួកគេ គឺមាំៗខ្លាំងណាស់។

គួរបញ្ជាក់ផងដែរថា
“អំណានសាកលវិទ្យាល័យបៀលប្រាយគឺជាក្លឹបអំណានមួយ
បង្កើតឡើងអំឡុងឆ្នាំ២០១៨ ក្នុងបំណងពង្រឹងនិងបណ្តុះវប្បធម៌អំណាននៅខេត្តសៀមរាប
តាមរយៈការផ្ដល់ជូនវេទិកាអំណាន១២សប្ដាហ៍ ដើម្បីពង្រឹងសមត្ថភាពនៃការអាន
ការនិយាយជាសាធារណៈ ការសង្ខេបសៀវភៅ និងភាពជាអ្នកដឹកនាំផ្ទាល់ខ្លួនជាដើម”។
សូមអានបន្ថែមអំពីអំណាន BBU ៖https://bit.ly/3DnfS8c

អំណានBBUជំនាន់៤ គឺការត្រឡប់មកវិញជាមួយនឹងថាមពលថ្មី គំនិតថ្មី តែរក្សាបេសកកម្មពង្រឹងគុណភាពអំណានដដែល

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់