ក្រុមការងារ “អំណានយុវជន” សូមអបអរសាទរទៅកាន់សមាជិកយើងទាំងអស់អង្គ/នាក់
ដែលបានជោគជ័យក្នុងការអានប្រកបដោយការពិចារណាស៊ីជម្រៅ តាមរយៈការចូលរួមវេទិកាអំណាន ១២សប្តាហ៍
ប្រឹងប្រែងអានប្រកបដោយការពិចារណា សង្ខេបសៀវភៅចំនួន ៦ ក្បាល
និងបានចែករំលែកជាសាធារណៈ ដោយជោគជ័យ និងឆន្ទៈមុតមាំ។ វេទិកានេះ បានប្រារព្ធនៅថ្ងៃទី១៩
ខែធ្នូ ឆ្នាំ២០២១ និងមានការចូលរួមពីសំណាក់វាគ្មិនចំនួន៣រូប ចែករំលែកអំពីប្រធានបទ “គ្រូបង្រៀន និងអំណាន”។

<b>ក្រោយពីវេទិកានេះបានបញ្ចប់ទៅដោយរលូន
ក្រុមការងារ អំណានយុវជន សូមវាយតម្លៃយ៉ាងខ្ពស់ថា “សមាជិកទាំងអស់ សុទ្ធតែមានឆន្ទៈនិងស្មារតីទទួលខុសត្រូវខ្ពស់ ពិសេសសមាជិកដែលបានបញ្ចប់ពីកម្មវិធី
មាន៨០ភាគរយ ជាគរុសិស្ស-និស្សិត អនាគតជាគ្រូបង្រៀនតាមសហគមកម្ពុជា ហើយនឹងក្លាយទៅជាអ្នកដឹកនាំកិច្ចការអំណាននាថ្ងៃខាងមុខផងដែរ”។ គ្រូបង្រៀន ជាអ្នកអាន សិស្សប្រាកដជាអ្នកអាន។ នេះជាជំនឿចិត្តយ៉ាងមុត របស់ក្រុមការងារអំណានយុវជន។</b>

ទោះបីជាសមាជិកបានបញ្ចប់តាមជំនាន់រៀងខ្លួនក៏ដោយ
តែសេចក្តីស្និទ្ធស្នាល ការស្រឡាញ់ និងទឹកចិត្តចែករំលែករបស់ពួកយើងគឺជាដដែល។ ក្រុមការងារ សូមអរគុណជាខ្លាំងចំពោះវាគ្មិនទាំងបីអង្គ/រូបដែលបានចំណាយពេលវេលាដ៏មានតម្លៃ
ចូលរួមចែករំលែកចំណេះវិជ្ជា និងបទពិសោធផ្សេងៗក្នុងកម្មវិធីបិទវគ្គអំណានយុវជនបាត់ដំបងជំនាន់ទី
១។

មួយវិញទៀត
ក្រុមការងារសូមសម្តែងនូវការកោតសរសើ​រ
និងថ្លែងអំណរគុណយ៉ាងជ្រាលជ្រៅចំពោះសមាគមហ្វារពន្លឺសិល្បៈ (<a href="https://web.facebook.com/phareponleuselpak/?__cft__%5b0%5d=AZU3hRgtViHryiTN-F0CpWcVX723XbQIkGOAhiflYHXfIg0Z2j1PK6ZUOlXVERw8VKtR_GDYsD__BJeIn5edXRo0gwhsx4zi7Frw2h6dDowRVhExcGz5IMuy4Mlk4RWK0Wpmwu16TReUwhwx8olakjOwft4P6FgsM7c4dt1NMJNhd9R3LSBXx_4XB673NSLSB6Q&amp;__tn__=kK-R">Phare Ponleu Selpak</a>)
ដែលមានទឹកចិត្ត ជំរុញ
និងចង់ឃើញវិស័យអំណាននៅកម្ពុជាកាន់តែរីកដុះដាលទៅមុខប្រកបដោយនិរន្តរភាព​។

រម្លឹកព្រឹត្តិការណ៍បិទវគ្គ អំណានយុវជនបាត់ដំបងជំនាន់ទី១

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់