អំណានយុវជន
គឺជាក្រុមការងារស្ម័គ្រចិត្តមួយធ្វើការទៅលើការបណ្ដុះបណ្ដាលអំណានទៅកាន់យុវជនកម្ពុជា តាមរយៈកម្មវិធីសិក្សាច្បាស់លាស់
និងអាចវាស់វែងបាន។ កន្លងទៅនេះ សកម្មភាពរបស់ អំណានយុវជន បានជំរុញ លើកទឹកចិត្តយុវជនជាច្រើននាក់ ងាកមកស្រវាកាន់សៀវភៅដើម្បីផ្លាស់ប្ដូរទម្លាប់របស់ខ្លួន ពីយុវជនដែលពុំសូវនិយមការអានទៅជាយុវជនដែលនិយមការអានខ្លាំង
និងពីអ្នកដែលពូកែអាន ទៅជាអ្នកអានប្រកបដោយការពិចារណាបែបស៊ីជម្រៅ។&nbsp;

កន្លងទៅនេះ កាលពីថ្ងៃទី២១ ខែសីហា ឆ្នាំ២០២១ថ្មីៗនេះ
អំណានយុវជន&nbsp;បានប្រារព្ធព្រឹត្តិការណ៍ពីចម្ងាយតាមប្រព័ន្ធ (Microsoft Team)ពង្រឹងស្មារតីមួយ ទៅកាន់អតីតសមាជិកទាំងអស់ ដែលផ្ដើមផ្ដួចគំនិតនិងដឹកនាំដោយ អំណានសាកលវិទ្យាល័យបៀលប្រាយសាខាខេត្តសៀមរាប។
ព្រឹត្តិការណ៍ដែលមានចំណងជើងថា ការកសាងព្រលឹងភាពជាអ្នកដឹកនាំក្រុមសម្រាប់យុវជន
នេះមានគោលបំណងដើម្បី បង្កើនចំណេះដឹងពាក់ព័ន្ធភាពជាអ្នកដឹកនាំទៅកាន់អតីតសមាជិកអំណាន BBU។&nbsp;&nbsp;ទី២ ពង្រឹងស្មារតីអំណានក្នុងអំឡុងពេលរាតត្បាតដោយជំងឺកូវីដ១៩ និងទី៣ចែករំលែកវិធីសាស្រ្តក្នុងការរក្សាចំណងទំនាក់ទំនងរវាងសមាជិក និងសមាជិក។ ចំពោះព្រឹត្តិការណ៍នេះ មានការចូលរួមពីសំណាក់វាគ្មិន៣រូបរួមមាន លោក​&nbsp; ឡាំ ឡាយ
អ្នកជំនាញបណ្ដុះបណ្ដាលបំណិនជីវិត និងជាសហស្ថាបនិក អ្នកដឹកនាំអំណានយុជន។ លោក ណន យា៉ អ្នកជំនាញបណ្ដុះបណ្ដាលបំណិនជីវិត
និងជាសមាជិកក្រុមប្រឹក្សារបស់អំណានយុវជន និងលោក ផោក សីហា​&nbsp;អ្នកជំនាញបណ្ដុះបណ្ដាលបំណិនជីវិត
និងធនធានមនុស្សនៅសណ្ឋាគារកោះសង្សារផងដែរ។ មិនតែប៉ុននោះ ព្រឹត្តិការណ៍នេះ
ក៏មានវត្តមានរបស់លោក សាស្រ្តាចារ្យ&nbsp; ឈួន
ភារុន នាយករងនៃសាកលវិទ្យាល័យបៀលប្រាយសាខាខេត្តសៀមរាបផងដែរ។
រីឯវេទិកាទាំងមូលសម្របសម្រួលដោយកញ្ញា&nbsp;អ៊ីត រចន្នី។&nbsp;

ជារួមព្រឹត្តិការណ៍នេះ មានអតីតសមាជិក បានចូលរួមប្រមាណ៣៥នាក់
និងមានបងប្អូនទស្សនាតាមបណ្ដាញសង្គមផ្លូវការចំនួន៤៨៥នាក់។ អំណានBBU នឹងសិក្សាបន្តអំពីការរៀបចំវេទិកាពីចម្ងាយបែបនេះ
ដើម្បីថែទាំទំនាក់ទំនងជាមួយអតីតសមាជិកគ្រប់ជំនាន់
និងពិសេសជំរុញការអាន ដ្បិតថាកម្ពុជាកំពុងតែវាយឡុកដោយជំងឺកូវីដ-១៩ក៏ដោយ។ ការអាន
គឺជាគ្រឹះសំខាន់នៃការបង្កើតភាពខ្លាំងរបស់សង្គម។ ហើយអ្វីៗគ្រប់យ៉ាង
ចាំបាច់ត្រូវខ្លាំងពីខាងក្នុង ផ្ដើមចេញពីខ្លួនឯង។ អំណានជាអំណាច!&nbsp;

អំណានBBU៖ ព្រឹត្តិការណ៍អំណានពីចម្ងាយ នឹងក្លាយជាចលករជំរុញស្មារតីអតីតសមាជិកឱ្យបន្តអានក្នុងបរិបទកូវីដ-១៩

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់