

នេះ គឺជាជំហានថ្មីមួយរបស់ “អំណានយុវជន” ក្នុងការផ្សព្វផ្សាយវប្បធម៌អំណាននៅកម្ពុជា ក្រៅតែពីវគ្គបណ្ដុះបណ្ដាល និងរៀបចំវេទិកាអំណាន ដោយថ្មីៗនេះ ក្រុមការងារ បានរៃអង្គាសថវិកាពីសប្បុរសជន អ្នកគាំទ្រវិស័យអំណាន ដើម្បីបង្កើតគេហទំព័រផ្លូវការមួយ ក្នុងគោលបំណងផ្សព្វផ្សាយចំណេះដឹងអំណាន និងផ្សព្វផ្សាយសកម្មភាពរបស់ពួកយើង ឱ្យកាន់តែទូលំទូលាយស្របតាមបដិវត្តន៍ឧស្សាហកម្ម ៤.០។<br>

លោក ឡាំ ឡាយ ជាសហស្ថាបនិក និងជាអ្នកដឹកនាំអំណានយុវជននេះ
បានលើកឡើងថា “អំណានយុវជន”
ពិតជារីករាយដែលមានបងប្អូនប្រិយមិត្តអ្នកអានចូលរួម និងបានចំណាយពេលវេលាផ្ទាល់ខ្លួន
ក្នុងការជ្រោមជ្រែងឱ្យកម្មវិធីនេះអាចបន្តដំណើររហូតថ្ងៃនេះ។
មកទល់ពេលនេះគឺស្មើនឹង៤ឆ្នាំគត់ដែលអំណានយុវជន​ធ្វើការទៅលើវិស័យអំណានក្នុងប្រទេសកម្ពុជា។"

ពួកយើងនៅតែបន្តកិច្ចការងារមួយនេះ ជាមួយនឹងការបណ្ដុះបណ្ដាលសមត្ថភាពអំណាន ការរៀបចំជាវេទិកា និងព្រឹត្តិការណ៍នានា ទាំងផ្ទាល់ និងពីចម្ងាយ ក្នុងការលើកស្ទួយវិស័យអំណាននៅកម្ពុជា។ ឆ្លៀតក្នុងឱកាសនេះ ក្រុមការងារពិតជាសូមកោតសរសើរ ចំពោះការចូលរួមចំណែកនានារបស់បងប្អូន ក្នុងបុព្វហេតុនេះ និងសូមលើកទឹកចិត្ត ឱ្យបន្តការជួយជ្រោមជ្រែងបែបនេះម្នាក់បន្តិចៗទៅថ្ងៃខាងមុខទៀត។ ពួកយើងនៅជាទីនេះ ជាមួយនឹងការពង្រឹងគុណភាពអំណាន៕

លោកបន្តថា “ថវិការដែលចំណាយសរុប
សម្រាប់ការបង្កើតគេហទំព័រនេះអស់ប្រមាណ ១,១០០ដុល្លារ
និងថវិការទាំងអស់ជាថវិការដែលរៃអង្គាសបានពីអតីតសមាជិកអំណាន ពីក្រុមការងារ
និងជាសំណាក់សប្បុរសជនដែលមាននិយមវិស័យអំណាន”។&nbsp;

កិច្ចការអំណានមួយនេះ
ខ្លាំងទៅបានព្រោះតែការចូលរួម ហើយដើម្បីឱ្យបងប្អូនចូលរួមទៅបានលុះត្រាណាតែធ្វើដោយប្រាកដនិយម
និងយុទ្ធសាស្រ្តច្បាស់លាស់។ ក្រុមការងារអំណានយុវជន ពិតជាកោតសរសើរចំពោះការចូលរួម
និងការគាំទ្រ។ អានដើម្បីកម្ពុជា៕ 

“អំណានយុវជន” នឹងផ្សាយគេហទំព័រផ្លូវការ (Website) ដើម្បីជាប្រយោជន៍សម្រាប់អ្នកអាន ក្នុងបរិបទជំងឺកូវីដ-១៩

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់