កាលពីថ្ងៃពុធ ទី២២ ខែកុម្ភៈ ឆ្នាំ២០២០ កន្លងទៅនេះ អំណានយុវជន បានសហការជាមួយនឹង “គ្រឹះស្ថានសៀវភៅជីវិត” ដដែល រៀបចំនូវកម្មវិធីសម្ពោធសៀវភៅមួយក្បាល ដែលមានចំណងជើងថា “ស្ដេចនំដូណាត់ឬជាភាសាអង់គ្លេស The Donut King” ដែលជាស្នាដៃរបស់ លោក តឹក ង៉ូយ ។ ស្នាដៃមួយនេះ បានបោះពុម្ភផ្សាយយូរណាស់មកហើយជាភាសាអង់គ្លេស តែទើបនឹងប្រែសម្រួលមកជាខេមរភាសា សម្របសម្រួលដោយក្រុមការងារសៀវភៅជីវិត។

កិច្ចពិភាក្សានៃជំនួបនោះ អំណានយុវជន និងអ្នកនិពន្ធបានលើកយកប្រធានបទមួយដែលនិយាយអំពី “ខ្សែជីវិតក្នុងឧបសគ្គ”។ យើងក៏មានវាគ្មិនពីររូបចូលរួមបន្ថែមទៀត ក្នុងនោះរួមមានកញ្ញា សែត ហត្ថា (កូនចាបមាស) កញ្ញា ម៉ៅចន្ទរស្មី និងមានលោក ឡាំ ឡាយជាអ្នកសម្របសម្រួលកម្មវិធី។ មិនតែប៉ុណ្ណោះកម្មវិធីនេះ ក៏មានវត្តមានចូលរួមពីសំណាក់ លោកគ្រូតាក្រមាមាស សាន គីមស៊ាន អ្នកអភិរក្សគុនល្បុក្កតោខ្មែរដ៏ល្បីល្បាញមួយរូបផងដែរ។ គួរបញ្ជាក់ផងដែរថា កម្មវីធីនេះ បានប្រព្រឹត្តទៅ នៅលើទឺកដីនៃទីក្រុងភ្នំពេញ ក្នុងសាលប្រជុំនៃសាកលវិទ្យាល័យ ផារ៉ាហ្គនអន្តរជាតិ។ រឹតតែពិសេស បងប្អូន អ្នកចូលរួមទទួលបាន កាដូសៀវភៅ “ស្ដេចនំដូណាត់” ម្នាក់មួយក្បាលទៀតផង។

គ្រប់រូបភាព ឬទស្សនីយភាពនេះ វាគឺជាការជីកកកាយនូវស្នាមញញឹមរបស់អ្នករាល់គ្នា។ អំណានយុវជន នឹងដើរតួនាទីក្នុងនាមជាក្រុមការងារដែលពង្រឹង បណ្ដុះបណ្ដាល ផ្សព្វផ្សាយ និងលើកស្ទួយ វប្បធម៌អំណាននៅកម្ពុជា ប្រកបដោយយុទ្ធសាស្រ្ត និងឆន្ទៈពេញលេញ។ សូមចូលរួមជាមួយពួកយើងទាំងអស់គ្នា ដោយគ្រាន់តែធ្វើខ្លួនឱ្យស្រឡាញ់អំណាន ឬអានជាប្រចាំ។ ដោយក្ដីស្រឡាញ់ និងនឹករឭក។ កុំភ្លេចអាន៕

ព្រឹត្តិការន៍សម្ពោធសៀវភៅ ស្ដេចនំដូណាត់ (Donut King)

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់