នៅថ្ងៃទី០៧ ខែវិច្ឆិកា ឆ្នាំ២០២០ គឺជាពេលវេលាបិទបញ្ចប់កម្មវិធី “អំណានសាកលវិទ្យាល័យបៀលប្រាយជំនាន់ទី៣”។ ក្រុមការងារបានអញ្ជើញវាគ្មិនចូលរួមចំនួន៣រូប រួមមានវាគ្មិនទី១ លោកស្រី ម៉ៅ សុផានី ជានាយិការងនៃអង្គការបេសកកម្មអេកបក់។ វាគ្មិនទី២ លោកស្រី ឃឹម ពិសី ជាប្រធានកម្មវិធីនៃមជ្ឈមណ្ឌលស្រ្តីកម្ពុជា ចំណែកវាគ្មិនចុងក្រោយគឺ លោក ឡាំ ឡាយ សហស្ថាបនិកអំណានយុវជន ព្រមទាំងមានកញ្ញ អ៊ីត រចន្នី ជាអ្នកសម្របសម្រួលក្នុងកម្មវិធីទាំងមូលផងដែរ។ គួរបញ្ជាក់ផងដែរ វេទិកានេះ ក៏មានវត្តមានចូលរួមជាអធិបតីដោយ លោកនាយកសាខាសាកលវិទ្យាល័យបៀលប្រាយ ខេត្តសៀមរាប គឺលោកបណ្ឌិត ម៉ឹក គឹមស្រឿនផងដែរ។

កម្មវិធីទាំងមូលបានប្រព្រឹត្តឡើង នៅក្នុងបរិបទនៃជំងឺកូវីដ១៩។ ចង់ឬមិនចង់ យើងទាំងអស់គ្នា ត្រូវចូលរួមទប់ស្កាត់ ដោយគោរពតាមវិធានការអនាម័យរួមមាន ការរក្សាគម្លាត ពាក់ម៉ាស និងត្រូវលាងដៃជាមួយនឹងអាល់កុលជាដើម។ ពាក់ម៉ាស់ នឹងបាត់ទម្រង់មុខ តែក៏ពុំអាចលាក់បាំងនូវស្នាមញញឹមរបស់ពួកយើងទាំងគ្នាបានឡើយ ដ្បិតវានៅតែស្ដែងឱ្យឃើញតាមរយៈក្រសែភ្នែក និងដួងចិត្តរបស់យើងម្នាក់ៗខាងក្នុងផងដែរ។ ជោគជ័យយ៉ាងរលូននេះ “អំណានយុវជន” ពិតជារីករាយ និងថ្លែងអំណរគុណដល់ “សាខាសាកលវិទ្យាល័យបៀលប្រាយ ខេត្តសៀមរាប” ដែលបានគាំទ្រពួកយើងយ៉ាងពេញទំហឹង លើសកម្មភាពមួយនេះ លើបុព្វហេតុលើកស្ទួយវិស័យអំណាននៅកម្ពុជា។

“អំណានយុវជន” គឺជាក្រុមការងារស្ម័គ្រចិត្ត ឥតគិតប្រាក់ចំណេញមួយ ដែលយើងមានទស្សនវិស័យ “ផ្លាស់ប្ដូរពីអ្នកអានធម្មតា ទៅជាអ្នកអានប្រកបដោយការត្រិះរិះពិចារណា បែបស៊ីជម្រៅ និងពីអ្នកអានបែបស៊ីជម្រៅ ទៅជាមេដឹកនាំដ៏មានសក្កានុពលម្នាក់នាពេលអនាគត”។ អានដើម្បីកម្ពុជា!!

ព្រឹត្តិការណ៍បិទវគ្គ អំណានBBU ជំនាន់ទី៣

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់