“អំណានពេញមួយជីវិត” គឺជាព្រឹត្តិការណ៍មួយស្ថិតក្រោមគម្រោងរបស់ “អំណានយុវជន”។ ព្រឹត្តិការណ៍ “អំណានពេញមួយជីវិត ឬភាសាអង់គ្លេស Long Life Reading” គឺប្រារព្ធដើម្បីអបអរសាទរ “ថ្ងៃទិវាអំណាន” នៅលើទឹកដីបាត់ដំបង។

ព្រឹត្តិការណ៍នេះ ត្រូវបានរៀបចំឡើង នៅសាខាសាកលវិទ្យាល័យគ្រប់គ្រង និងសេដ្ឋកិច្ច ខេត្តបាត់ដំបង (UME Battambang Campus) នាថ្ងៃទី២ ខែកុម្ភៈ ឆ្នាំ២០២០ វេលាម៉ោង ១:៣០ នាទីរសៀល ដល់ម៉ោង៤:៣០នាទី។ ព្រឹត្តិការណ៍នេះមានវាគ្មិនចំនួន៣រូបដូចជា៖ កញ្ញា សែត ហត្ថា (កូនចាបមាស), លោក ទេព សុផានេត, និង លោក មុំ រដ្ឋា ដែលអ្នកទាំង៣រូបនេះ សុទ្ធសឹងជាយុវនិពន្ធ ហើយសម្របសម្រួលវេទិកាទាំងមូលដោយលោក ឡាំ ឡាយ។ សូមបញ្ជាក់ផងដែរថា កម្មវិធីនេះរៀបចំឡើងដោយ “អំណានយុវជនខេត្តបាត់ដំបង” ក្រោមកិច្ចសហការជាមួយ នឹងសាខាសាកលវិទ្យាល័យគ្រប់គ្រង និងសេដ្ឋកិច្ច ខេត្តបាត់ដំបង (UME Battambang Campus) និងគ្រឹះស្ថានបោះពុម្ពផ្សាយ “សៀវភៅជីវិត”។រូប

ប្រិយមិត្តអ្នកចូលរួម ចំនួនប្រមាណ ២២០នាក់ សុទ្ធតែទទួលបានចំណេះដឹងបន្ថែមពី ការអានសៀវភៅ បទពិសោធជីវិត និងចំណេះដឹងអំពីសង្គម។ កម្លាំងសាមគ្គីរបស់យុវជន គឺជាការបង្កើនថាមពលសង្គម។ ភាពខ្លាំងដែលសង្គមត្រូវការចាំបាច់ត្រូវច្របាច់ចរិតលក្ខណៈសាមគ្ដី និងការយល់អំពីទស្សនវិស័យ នៃសង្គមរួមគ្នា។

អំណានយុវជន ពិតជារីករាយ ដែលមានយុវជនពោរពេញដោយថាមពល និងសមត្ថភាព ដើម្បីបំពេញបេសកកម្មអំណានរួមគ្នាមួយនេះ។ អំណានយុវជន នឹងលើកយកព្រឹត្តិការណ៍ អំណានផ្សេងៗមួយចំនួនទៀត ដើម្បីបង្កើតស្នាមញញឹម និងជំរុញទឹកចិត្តបងប្អូន ឱ្យនឹករម្លឹកគ្នា។ ដោយក្ដីស្រឡាញ់ និងនឹករម្លឹក។កុំភ្លេចអាន៕

ព្រឹត្តិការណ៍ “អំណានពេញមួយជីវិត”

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់