សៀវភៅកាហ្វេ​ គឺជាហាងកាហ្វេមួយបានបង្កើតឡើងខ្ទង់ឆ្នាំ២០២១ថ្មីៗនេះ ដោយសហស្ថាបនិក៤រូប
ដែលស្រលាញ់វិស័យអំណាន និងចង់ឱ្យវិស័យអំណាននៅប្រទេសកម្ពុជាមានភាពរីកចម្រើន។ តើហេតុអ្វីយើងនិយាយអំពី
“សៀវភៅ+កាហ្វេ=សៀវភៅកាហ្វេ?”​

កាហ្វេ គឺជាភេសជ្ជៈម្យ៉ាង ដែលពេញនិយមខ្លាំងចំពោះមនុស្សគ្រប់ស្រទាប់ក្នុងប្រទេសកម្ពុជា នាពេលបច្ចុប្បន្ន និងប៉ុន្មានឆ្នាំកន្លងទៅនេះ។ ហាងកាហ្វេមួយចំនួន មានរសនិយមទៅលើការតុបតែង រចនាបែបសម័យថ្មី។
រីឯហាងកាហ្វេខ្លះ មានរសនិយមបែបបុរាណៗ មើលទៅហាក់ដូចជាទាញចិត្តយើង ឱ្យដួចចិត្តងាកទៅរកអតីតកាល។
ដោយឡែកបរិបទថ្មីនេះ មានហាងកាហ្វេខ្លះ បានបញ្ចូលគ្រឿងផ្សំពិសេសម្យ៉ាងគឺ “ការរចនា
ដែលមានបញ្ចូលសៀវភៅ” សម្រាប់អាន។
វាបានបង្កប់អត្ថន័យម្យ៉ាងថា “ការអាន ពិតជាសំខាន់មិនថាតែយើងនៅទីណាក៏ដោយ
ពិសេស គឺពេលព្រឹក ឬពេលណាដែលយើងទំនេរ អំឡុងពេលដែលយើងអង្គុយញាំកាហ្វេ”។
ការបញ្ចូលបន្ថែមសៀវភៅបែបនេះ វាគឺការចូលរួមចំណែកផ្សព្វផ្សាយវប្បធម៌អំណាន ឱ្យកាន់តែសាយភាយទៅគ្រប់ច្រកល្ហកនៃព្រះរាជាណាចក្រកម្ពុជាតែម្ដង។
កាហ្វេឆ្ងាញ់ ទីតាំងស្អាតស្ងប់ស្ងាត់ មានសៀវភៅអានមិនគិតថ្លៃ
តើវាជារឿងល្អសម្រាប់អ្នកនិយមការអានទេ?

“សៀវភៅកាហ្វេ” មានចេតនាចូលរួម លើកកម្ពស់ការអាននៅកម្ពុជា
​តាមរយៈការផ្ដល់ជូនកន្លែងក្នុងទីក្រុង សម្រាប់ប្រិយមិត្តអ្នកអាន។
បងប្អូនអាចទៅអានសៀវភៅដោយមិនគិតថ្លៃនៅទីនោះ និងម្យ៉ាងបងប្អូនអាចទិញសៀវភៅខ្លះៗ ពីសៀវភៅកាហ្វេក៏បាន។
មិនតែប៉ុនណោះ សៀវភៅកាហ្វេ ក៏មានសហស្ថាបនិក២រូប មានបទពិសោធលើផ្នែកផ្លូវចិត្ត ដូច្នេះ​
សៀវភៅកាហ្វេ ក៏អាចផ្ដល់ជូននូវសេវាប្រឹក្សាផ្លូវចិត្តបឋមដោយមិនគិតថ្លៃផងដែរ។

យុវជនគួរតែចំណាយពេលវេលាជាមួយនឹងការអាន
ប្រសិនជាយើង ពុំចង់ដើរផ្លូវខុស។ បើយើងជាអ្នកអាន
យើងនឹងចេះរៀបចំខ្លួនសមរម្យសម្រាប់ថ្ងៃស្អែក។ អំណានយុវជន
សូមគាំទ្រជាខ្លាំងចំពោះការលាយគ្រឿងផ្សំសៀវភៅរបស់ហាង សៀវភៅកាហ្វេ
នៅខេត្តព្រះសីហនុនេះ។ ប្រសិនជាបងប្អូនចង់គាំទ្រ សៀវភៅកាហ្វេ
សូមស្វែងរកតាមទីតាំងខាងក្រោមនេះ។ ទីតាំងស្ថិត នៅតាមបណ្ដោយផ្លូវមិត្តភាព (អូរ១) ក្បែរផ្សារលើ
ទល់មុខក្រុមហ៊ុនស៊ុនស៊ីម៉ិចកូ
ភូមិអូរ១ សង្កាត់៤ ក្រុងព្រះសីហនុ។ លេខទំនាក់ទំនង 070/069 491 903, 012/095
409 969៕ លេខទំនាក់ទំនង
070/069 491 903, 012/095 409 969៕ Facebook:&nbsp;https://www.facebook.com/seavphovcafe

ចំពោះបងប្អូន មានហាងកាហ្វេណាដែលសៀវភៅ ហើយមានបំណងចង់ផ្សព្វផ្សាយទីតាំងរបស់ខ្លួន
ជាមួយនឹងអំណានយុវជន ពួកយើងរីករាយ ក្នុងការជួយផ្សព្វផ្សាយដោយក្ដីស្រឡាញ់
និងមិនគិតកម្រៃឡើយ។ សូមទំនាក់ទំនងលេខ 077241913 ឬតាមសារអេឡិចត្រូនិច
amnaanyuveajun@gmail.com។

ខេត្តព្រះសីហនុ៖ ហាងកាហ្វេតែ១គត់ នៅខេត្តព្រះសីហនុដែលជំរុញការអាន 

សៀមរាប គឺជាខេត្តទេសចរណ៍ដែលមានសក្កានុពលមួយ
ទាំងភ្ញៀវជាតិនិងអន្តរជាតិឈានជើងពុំដែលផុតឡើយ។
បើនិយាយអំពីដំណើរកម្សាន្តបែបធម្មជាតិ តាមប្រាសាទនានា គេរឹតតែមិនភ្លេចខេត្តទេសចរណ៍មួយនេះទេ យោងតាមបណ្ដាំលោកតា ស៊ីនស៊ី សាមុត ដែលបានបង្ហើរសំនៀងថា “ឱខេត្តសៀមរាប ជាស្ថានឱសថ” ក្នុងវណ្ណកម្ម
“ចំប៉ីសៀមរាប” របស់លោក។ តើខេត្តសៀមរាប មានអ្វីពិសេសទៀត?

មែនទែនទៅ ខេត្តសៀមរាប
ក៏ជាជំរំកាហ្វេផងដែរ។ គ្រប់ភោជនីយដ្ឋានទាំងអស់ សុទ្ធសឹងតែច្របាច់ ភេសជ្ជៈកាហ្វេចូល
ទាំងបែបអន្តរជាតិ និងក្នុងតំបន់។ ដូច្នេះហើយទើប អំណានយុវជន
នឹងនាំអារម្មណ៍ប្រិយមិត្តអ្នកអាន មកស្គាល់ហាងកាហ្វេមួយកន្លែង ដែលមានរសនិយមពិសេស
កំពុងតែបង្អួតខ្លួនលើទឹកដីទេសចរណ៍មួយនេះ។ នោះគឺ&nbsp;Footprint Cafes។ តើហេតុអ្វីបានជា&nbsp;Footprint Cafes ?&nbsp;

Footprint Cafes&nbsp;គឺជាហាងកាហ្វេសហគ្រាសសង្គមមួយ
ដោយរាល់ប្រាក់ចំណេញ ដែលហាងកាហ្វេនេះរកបាន នឹងបង្វែរជួយទៅកាន់អង្គការ
និងសកម្មភាពសង្គមនានា។ មិនតែប៉ុនណោះ&nbsp;Footprint Cafes&nbsp;បានបង្កប់រសនិយមមិនអាចបំភ្លេចបាននោះគឺ “សៀវភៅដាក់លើទូរ
ស្ទើរតែគ្រប់ជញ្ជាំង”។

ជ្រុងនៃបរិយាកាសខ្លះ នៃហាងកាហ្វេមួយនេះ បានរួមបញ្ចូលជាមួយនឹងធម្មជាតិ
ដែលជាភាពរស់រវើកសម្រាប់អ្នកអាន អ្នកអង្គុយធ្វើការ និងសម្រាប់បងប្អូនប្រិយមិត្តដែលនិយមការថតរូបផងដែរ។
អ្វីដែលដួចចិត្តយើងឱ្យចងចាំ ពិបាកនឹងបំភ្លេច នោះគឺរសជាតិកាហ្វេដ៏ឆ្ងាញ់ ស្រទន់ ហើយអាហារនៅទីនោះ មានតម្លៃសមរម្យសម្រាប់មនុស្សទូទៅផងដែរ។

មានសៀវភៅសម្រាប់អាន
ទាំងបរទេស ទាំងខ្មែរ មានកាហ្វឆ្ញាញ់ រីឯប្រាក់ចំណេញក៏បង្វែរចូលការងារសង្គម។
តើចាំដល់ណាទៀត?

បងប្អូនដែលមានបំណងមកអាន
ធ្វើការ ឬថតរូបសូមមកតាមបណ្ណោយ ផ្លូវលេខ២៦ ភូមិវត្តបូព៌ សង្កាត់សាលាកំរើក ក្រុងសៀមរាប។ លេខទំនាក់ទំនង&nbsp;092 800 308។ សូមអានអំពី&nbsp;Footprint Cafes បន្ថែមតាមគេហទំព័រ&nbsp;<a href="http://footprintcafes.org/?fbclid=IwAR2Zw-FrBUgIT4jbew11FdAxoBrlO1ZcJGo3WdPNFxbQ5mhfGllbN6kVjfY" target="_blank">http://footprintcafes.org/</a>&nbsp;ឬសារអេឡិចត្រូនិច&nbsp;<a href="mailto:info@footprintcafes.org" target="_blank">info@footprintcafes.org</a>៕&nbsp;

រក្សាសិទ្ធគ្រប់យ៉ាងដោយអំណានយុវជន។&nbsp;

Footprint Cafes ជាហាងកាហ្វេដែលមានរសនិយមសៀវភៅ 

តើមូលហេតុអ្វីបានជា
យើងនិយាយអំពី “ស្ពូនកាហ្វេ” ? ស្ពូនកាហ្វេ- Spoons café
គឺជាភោជនីយដ្ឋានសហគ្រាសង្គម (ប្រាក់ចំណេញ​១០០%
ជួយសង្គម) នៅខេត្តសៀមរាបមួយកន្លែង
ដែលបង្កើតឡើងក្នុងឆ្នាំ២០១៦
ក្នុងគោលបំណងស្វែងរកថវិកាបន្ថែមសម្រាប់គាំទ្រដល់កម្មវិធី អង្គការស្លាបព្រាកម្ពុជា
(ពីមុនអង្គការបេសកកម្មអេកបក់)។ “អង្គការស្លាបព្រាកម្ពុជា- Spoons Cambodia Organization ”
បាននឹងកំពុងបណ្ដុះបណ្ដាលយុវជន ដែលមានអាយុ១៧ ដល់២៤ឆ្នាំ ក្នុងជំនាញបដិសណ្ឋារកិច្ចមិនគិតថ្លៃ
ដែលមកពីតំបន់ដាច់ស្រយាល យុវជនក្រីក្រ គ្មានឱកាសសិក្សា និងយុវជនដែលចំណាកស្រុកខុសច្បាប់
ឱ្យមានជំនាញច្បាស់លាស់មួយ ប្រកបដោយឯករាជ្យភាព។ បេសកកម្មនេះ គឺជាការផ្លាស់ប្ដូរវាសនាយុវជនខ្មែរសឹងតែ ១៨០ដឺក្រេ។&nbsp;

តើមានអ្វីពិសេសជាងនេះទៀត?
ចំពោះ “ស្ពូនកាហ្វេ” ជាហាងកាហ្វេ ដំបូងបង្អស់ និងមានតែ១គត់ក្នុងខេត្តសៀមរាប ដែលរចនាឡើងដោយដើមឫស្សី (អាគារទាំងស្រុង)។
មូលហេតុអ្វីបានជាដើមឫស្សី? ក្រុមការងារស្ពូន មានបេះដូងក្រសោបចិត្តដួចនឹងបរិស្ថាន និងគោលគំនិតរក្សាព្រៃឈើ។ រាល់សម្ភារៈស្ទើរតែទាំងអស់
ត្រូវបានគិតគូរអំពីបរិស្ថានជាមុន និងពិសេស កត្តាប្រែប្រួលអាកាសធាតុ។ មិនតែប៉ុនណោះ
ស្ពូន គឺជាទីកន្លែងសម្រាប់អានសៀវភៅផងដែរ។ អាហារមួយចាន កាហ្វេមួយកែវ បរិយាកាសល្អ អានសៀវភៅមួយក្បាល
គឺជាក្ដីសុខរបស់អ្នកអាន។&nbsp;

រាល់សៀវភៅដែលមាន
បងប្អូនអាចមកអានដោយមិនគិតថ្លៃ ជាមួយនឹងបរិយាកាសបែបធម្មជាតិៗ។ អាហារមានរសជាតិពិសេស បែបកូនកាត់ និងមានតម្លៃសមរម្យបំផុតសម្រាប់ជនជាតិខ្មែរយើង។ ប្រសិនជាបងប្អូនមានបំណង គាំទ្រសកម្មភាពសង្គមបែបនេះ
សូមបងប្អូនអញ្ជើញមកពិសារ កាហ្វេមួយកែវ ឬអាហារមួយចាន នៅស្ពូន នោះមានន័យថា បងប្អូនក៏បានរួមចំណែកសំខាន់ក្នុងបេសកកម្មដ៏ចាំបាច់មួយ ចំពោះយុវជនខ្មែរយើង។ បងប្អូនអាចស្វែររកទីតាំងស្ពូនកាហ្វេបាន នៅលបណ្ដាយផ្លូវ Bamboo street ក្រោយវត្តដំណាក់៕&nbsp;

ទីតាំង៖ <a href="https://goo.gl/maps/4tcJ1vLfMTkoeLQT6">https://goo.gl/maps/4tcJ1vLfMTkoeLQT6</a>

ព័ត៌មានបន្ថែមសូមទស្សនា៖ https://www.spoonscambodia.org/spoons-cafe

®រក្សាសិទ្ធគ្រប់យ៉ាងដោយក្រុមការងារ អំណានយុវជន

Spoons៖ អាហារមួយចាន និងកាហ្វេដ៏ឆ្ងាញ់ អានសៀវភៅមិនគិតថ្លៃ អ្នកបានជួយយុវជនក្រីក្រទៀត

ស្នាមញញឹម
គឺជាដើមទុនសម្រាប់អ្នកប្រឹងប្រែង។ ចិត្តស្វាងស្រឡះ គឺជាដើមទុននៃក្ដីស្រឡាញ់។
ម្សិលមិញ ជាអតីតភាព ហើយថ្ងៃនេះគឺជាបច្ចុប្បន្ន។ តើធ្វើបែបណា​
ដើម្បីមានថ្ងៃនេះល្អប្រសើរ។ ចម្លើយ គឺទាល់តែយើង ធ្វើខ្លួនឯងឱ្យស្វាងសិន។ តើ “ស្វាង”
មានន័យដូចម្ដេច?

“ស្វាង”
ធ្លាប់តែត្រូវបានគេនិយាយចំពោះមនុស្សដែលងើបពីដំណេក ងើបពីស្រវឹង ឬក្រោយពេលដែលចិត្តស្រឡះល្អ
ជម្រះក្ដីកង្វល់។
ចុះប្រសិនជាមានកាហ្វេមួយកន្លែងស្ថិតចំកណ្ដាលរាជនីភ្នំពេញត្រូវបានគេហៅថា “ស្វាងកាហ្វេ” វិញ តើជាទីកន្លែងធ្វើឱ្យយើងស្វាងឬយ៉ាងណា?
ដូច្នេះដើម្បីស្គាល់បន្ថែមអំពីហាងកាហ្វេមួយនេះ “អំណានយុវជន”
សូមនាំអារម្មណ៍ប្រិយមិត្តអ្នកអាន មកដឹងពីរឿងខ្លះៗអំពីហាងកាហ្វេនេះបន្តិច។

“ស្វាងកាហ្វេ”
ត្រូវបានបង្កើតឡើងនៅខ្ទង់ឆ្នាំ ២០២០ ដែលមានរសនិយមពិសេសម្យ៉ាង។ ក្រុមការងារ “ស្វាងកាហ្វេ”
មានទស្សនៈថា “ដើម្បីសម្រេចកិច្ចការមួយល្អ ដែលផុសចេញពីជម្រៅនៃក្ដីស្រឡាញ់
ទាល់តែយើងសម្រាលចិត្តពីអារម្មណ៍អាប់អួរសិន”។ អំណាចនៃបច្ចុប្បន្ន គឺជាអ្វីៗសម្រាប់ថ្ងៃស្អែក។
នេះគឺជាផ្នត់គំនិត និងបុព្វហេតុនៃ “ស្វាងកាហ្វេ”។

សៀវភៅ
គឺជាឱសថម្យ៉ាងដែលនាំមនុស្សឱ្យស្គាល់ពីខ្លួនឯង ឬស្វែងរកខ្លួនឯង។ ហេតុដូច្នេះហើយ ទើប
“ស្វាងកាហ្វេ” យកសៀវភៅជាគ្រឹះ ដើម្បីបន្សាបអវិជ្ជន្ធការ
ឬអារម្មណ៍អវិជ្ជមាន។ ស្វាងកាហ្វេ បានសហការរៀបចំកម្មវិធីមួយដែលមានឈ្មោះថា “ឱសថស្ថានសៀវភៅ”
ដែលជាថ្នាំផ្សំសម្រាប់អ្នកអាន ព្យាបាលទម្លាប់ខ្ជិលអាន ឬអានខ្វះប្រសិទ្ធភាព។ ទាំងការរចនា ទាំងគោលគំនិត
គឺសុទ្ធតែមានបង្កប់នូវអត្ថន័យចែករំលែកក្ដីស្រឡាញ់ឱ្យគ្នាទៅវិញទៅមក។
រសជាតិកាហ្វេបែបកូនកាត់ ភេសជ្ជៈឆ្ងាញ់ៗ និងទីកន្លែងស្រស់ស្អាតបែបធម្មជាតិៗ នឹងនាំប្រិយមិត្តដែលឈានជើងមកនេះឱ្យមានអារម្មណ៍ស្រស់ស្រាយ
ឬស្វាងតែម្ដង។

“អំណានយុវជន”
សង្ឃឹមថាប្រិយមិត្តមិត្តអ្នកអានមានឱកាសបានទៅទស្សនា កាន់សៀវភៅអាន
អង្គុយធ្វើការនៅស្វាងកាហ្វេ នាពេលណាមួយ។ ទីតាំងទីតាំង # 7B ផ្លូវ
184 ឬ ផ្លូវមីបួស ក្បែរកាច់ជ្រុងរបងព្រះបរមរាជវាំង https://goo.gl/maps/m9s2ho9WnC4ct8YB6.។ Facebook:
<a href="https://www.facebook.com/swarngcafe">https://www.facebook.com/swarngcafe</a> លេខទំនាក់ទំនង
087 679 168

®រក្សាសិទ្ធគ្រប់យ៉ាងដោយក្រុមការងារ
អំណានយុវជន

ចំពោះបងប្អូន មានហាងកាហ្វេណាដែលសៀវភៅ ហើយមានបំណងចង់ផ្សព្វផ្សាយទីតាំងរបស់ខ្លួន ជាមួយនឹងអំណានយុវជន ពួកយើងរីករាយ ក្នុងការជួយផ្សព្វផ្សាយដោយក្ដីស្រឡាញ់ និងមិនគិតកម្រៃឡើយ។ សូមទំនាក់ទំនងលេខ 077241913 ឬតាមសារអេឡិចត្រូនិច amnaanyuveajun@gmail.com។

ស្វាងកាហ្វេ ហាងកាហ្វេរំលេចផ្នត់គំនិតបច្ចុប្បន្នភាពកណ្ដាលរាជធានី

បាត់ដំបង
គឺជាខេត្តប្រវត្តិសាស្រ្តដ៏វ័យចំណាស់មួយក្នុងចំណោមខេត្តនានាក្នុងប្រទេសកម្ពុជា។
ក្រៅពីភាពវ័យចំណាស់ ខេត្តនេះក៏ល្បីល្បាញលើសក្ដានុពលមួយចំនួនជាច្រើនទៀតដូចជា
ជាខេត្តផលិតស្រូវច្រើនជាងគេ និងសម្បូរដោយផលិតផលកសិកកម្ម។ ខេត្តនេះ បង្អួតសម្រស់សំណងចាស់ៗបុរាណដែលសេសសល់ពីសម័យអាណានិគមបារាំង
ពីឆ្នាំ១៨៦៣ដល់ឆ្នាំ១៩៥៣ គួរជាទីគយគន់ផងដែរ។

អតីតកាលបណ្ដាលឱ្យមានថ្ងៃនេះ។
ចុះថ្ងៃនេះ មានអ្វីកើតឡើងចំពោះខេត្តប្រវត្តិសាស្រ្តមួយនេះ? ប្រាកដណាស់
មានច្រើនសឹងតែរាប់មិនអស់ តែដោយឡែកថ្ងៃនេះ “អំណានយុវជន”
សូមនាំអារម្មណ៍ប្រិយមិត្តមកស្គាល់ ទីតាំងមួយកន្លែងដែលមានរសនិយមបែបសៀវភៅ
និងចរិតលក្ខណៈស្រដៀងអតីតកាលនាសម័យលោកម្ចាស់។ តើប្រិយមិត្តដឹងទេថា គឺជាកន្លែងអ្វី?

នោះគឺ “កន្រ្តេ កន្រ្តក”។ អ្វីជា “កន្រ្តេ កន្រ្តក”? &nbsp;“កន្រ្តេ កន្រ្តក” ជាហាងកាហ្វេតូចមួយ ក្នុងសំណង់ផ្ទះល្វែងនាសម័យអាណានិគមបារាំង មានអាយុកាលខ្ទង់មួយសត្សវត្ស។
ហាងនេះត្រូវបានដាក់ឈ្មោះឡើងដោយស្របទៅតាមរចនាបថនៃសំណង់ផ្ទះ និងបំពាក់គ្រឿងសិប្បកម្មដែលជាស្នាដៃរបស់កូនខ្មែរ
ហៅថា “កន្រ្តកខ្មែរ” ។

 ចំពោះការបង្កើតកូនហាងកាហ្វេមួយនេះ គឺក្នុងគោលបំណងផ្តល់ជូននូវឱជារសរបស់កាហ្វេពិសេសប្លែក
ជាមួយទិដ្ឋភាពស្ងប់ស្ងាត់ ហាក់ល្បួងលួងអារម្មណ៍យើង វិលត្រឡប់ទៅកាន់ឆ្នាំ១៩៦៣អញ្ចឹងដែរ។
ធម្មជាតិពណ៌បៃតង អមជាមួយការលម្អសម្ភារៈដែលច្នៃពីរបស់របរចាស់ៗ
ក៏ជាផ្នែកនៃការលើកសម្រស់ហាងកាហ្វេតូចនេះ ឱ្យរឹតតែសមរូបសមរាងមួយផ្នែកទៀត។
ទំនងខ្លាំងណាស់!
ហើយមានអ្វីពិសេសជាងនេះ?

“កន្រ្តេ
កន្រ្តក” គឺជាកន្លែងក្ដីសុខសម្រាប់អ្នកអានសៀវភៅ ។ នៅទីនោះ មានការរៀបចំសៀវភៅអប់រំចំណេះដឹងល្អៗសម្រាប់យុវជនខ្មែរ
និងមានបង្កប់ស្នាដៃរបស់កវីនិពន្ធល្បីៗផងដែរ។ ភ្លេងបែបស្រាលស្រទន់ៗ ញាំកាហ្វេមួយកែវ
អានសៀវភៅមួយក្បាល ពិតជាមានក្ដីសុខខ្លាំងណាស់។ បរិយាកាសបែបនេះ កណ្ដោលទីក្រុង ពិតជាពិបាករក។
ប្រសិនជាប្រិយមិត្តណា មិនទាន់បានទៅសាកល្បង សូមទាញទូរសព្ទមើលទីតាំងតាមរយៈព័ត៌មានខាងក្រោម។

ស្វែងរកទីតាំងបន្ថែម តាមរយៈ&nbsp;<a href="https://goo.gl/maps/gjpdzuY1CBVwp2aU6">https://goo.gl/maps/gjpdzuY1CBVwp2aU6</a>

Facebook Page:&nbsp;<a href="https://www.facebook.com/ktrektrok">https://www.facebook.com/ktrektrok</a>

®រក្សាសិទ្ធគ្រប់យ៉ាងដោយក្រុមការងារ <a href="https://www.facebook.com/AmnanYuveajun">អំណានយុវជន</a>

ប្រភេទអត្ថបទ ហាងកាហ្វេដែលមានសៀវភៅជុំវិញកម្ពុជា

ខេត្តព្រះសីហនុ៖ ហាងកាហ្វេតែ១គត់ នៅខេត្តព្រះសីហនុដែលជំរុញការអាន

Spoons៖ អាហារមួយចាន និងកាហ្វេដ៏ឆ្ងាញ់ អានសៀវភៅមិនគិតថ្លៃ អ្នកបានជួយយុវជនក្រីក្រទៀត

ហាងកាហ្វេសំណង់សម័យបារាំងមួយកន្លែងបង្ហាញខ្លួនកណ្ដោលក្រុងបាត់ដំបង ដែលប្រិយមិត្តអ្នកអានមិនគួរំលង

Footprint Cafes ជាហាងកាហ្វេដែលមានរសនិយមសៀវភៅ

ស្វាងកាហ្វេ ហាងកាហ្វេរំលេចផ្នត់គំនិតបច្ចុប្បន្នភាពកណ្ដាលរាជធានី

តាមដានពួកយើង

គាំទ្រសកម្មភាពពួកយើងតាមរយៈ

ទំព័រទាំងអស់